Úsáidtear an téama Gaelphobal do ghrúpaí agus do phobail Ghaeilge fud fad na tíe atá mar chuid den phróiseas pleanála teanga lasmuigh den Ghaeltacht oifigiúil.
Úsáid an léarscáil seo le teacht ar eolas maidir le
- Líonraí Gaeilge
- Bailte Seirbhíse Gaeltachta
- Grúpaí ar an Scéim Forbartha Líonraí Gaeilge
- Lárionaid Ghaeilge
Líonraí Gaeilge
Is é is líonra Gaeilge ceantar ina bhfuil bunleibhéal riachtanach bainte amach acu maidir le tacaíocht phobail agus stáit don Ghaeilge. Tugtar aitheantas faoi Acht na Gaeltachta 2012 do líonraí Gaeilge nuair atá pleananna teanga aontaithe acu leis na pobail sna ceantair sin. Ní mór leis na pleananna seo na critéir pleanála teanga a chomhlíonadh le bheith faofa.
Faigh tuilleadh eolais maidir leis na Líonraí Gaeilge anseo.
Bailte Seirbhíse Gaeltachta
Is é is baile seirbhíse Gaeltachta baile ina bhfuil 1,000 duine ar a laghad, atá suite i limistéar pleanála teanga Gaeltachta nó cóngarach dó agus a bhfuil ról suntasach aige maidir le seirbhísí sóisialta, eacnamaíocha agus fóillíochta a sholáthar do dhaoine sa cheantar sin.
Faigh tuilleadh eolais maidir leis na Líonraí Gaeilge anseo.
An Scéim Forbartha Líonraí Gaeilge
Tugann an Scéim Pobal Gaeilge maoiniú do phobail oifigeach forbartha Gaeilge a fhostú don cheantar leis an nGaeilge a chur chun cinn ann leis an sprioc acu bheith páirteach i bpróiseas pleanála teanga amach anseo agus aitheantas a bhaint amach mar líonra Gaeilge sa todhchaí.
Faigh tuilleadh eolais maidir leis an Scéim Forbartha Líonraí Gaeilge anseo.
Limistéir Pleanála Teanga Ghaeltachta
Tá sé cinn is fiche de limistéir pleanála teanga Gaeltachta ainmnithe faoi Acht na Gaeltachta 2012. Tá an próiseas pleanála teanga ar siúl iontu le gur féidir leo a stádas mar cheantair Ghaeltachta a choinneáil.
Cuireann Údarás na Gaeltacht tacaíocht agus treoir ar fáil do na limistéir pleanála teanga Ghaeltachta. Is féidir tuilleadh eolais a fháil ag www.udaras.ie.
Faigh tuilleadh eolais maidir le limistéar pleanála teanga Ghaeltachta anseo.
Lárionaid Ghaeilge
Cuireann lárionaid Ghaeilge spás sábháilte fáiltiúil ar fáil do dhaoine an teanga a úsáid agus cuirtear réimse leathan seirbhísí ar fáil istigh iontu ar nós ranganna Gaeilge, imeachtaí teaghlaigh, siamsaíocht do gach aoisghrúpa agus siopaí le hearraí Gaeilge ar fáil iontu.
