Is féidir leis an Ghaeilge ról dearfach a imirt i gcúrsaí gnó, le buntáistí do chur chun cinn na Gaeilge agus don ghnó chomh maith.
Amharc ar an leabharlann acmhainní chun tuilleadh eolais agus taighde a aimsiú maidir leis na buntáistí a bhaineann le húsáid na Gaeilge i gcúrsaí gnó.
Seo thíos roinnt samplaí de na tacaíochtaí agus an t-aitheantas atá ar fáil do ghnóltachtaí a bhaineann úsáid as an Ghaeilge.
Q Mharc Gnó le Gaeilge
Tá an Mharc Deimhniúcháin seo ceaptha chun aitheantas a thabhairt d’eagraíochtaí gnó a dhéanann luacháil ar úsáid na Gaeilge mar uirlis chomhlántach ghnó agus mhargaíochta agus a fhorbraíonn agus a chaipitlíonn an úsáid sin.
Cuireann an Mharc Deimhniúcháin béim ar shaintréithe dúchasacha Gaelacha agus léiríonn sé go bhfuil feasacht agus tiomantas ann maidir leis an dátheangachas sa ghnó agus maidir leis an gcultúr tríd an teanga, agus go bhfuil eagraíocht ar thús cadhnaíochta sa mhargadh maidir le soláthar nuálaíoch seirbhíse do chustaiméirí. Bronnfar an Marc Dheimhniúchain ar aon eagraíocht gnó a chomhlíonann na critéir mar a shainmhínítear sa chaighdeán Q-Mharc Gnó le Gaeilge.
Brúigh anseo chun tuilleadh eolais a fháil ar Q Mharc Gnó le Gaeilge.
Gradaim - Aitheantas ar Úsáid na Gaeilge i gCúrsaí Gnó
Eagraithe ag Glór na nGael, tá scéim aitheantais GRADAIM dírithe ar ghnónna tráchtála, ar thrádálaithe aonair, ar mhiondíoltóirí agus ar mhórdhíoltóirí. Tá Comórtas Náisiúnta Ghlór na nGael ann go bliantúil le haghaidh grúpaí pobail arbh í cur chun cinn na Gaeilge príomhsprioc na heagraíochta ach is féidir le grúpaí atá cláraithe mar chomhlachtaí cur isteach ar GRADAIM chomh maith. Is scéim roghnach í GRADAIM agus ní bheidh gnólachtaí stáit a bhfuil dualgas reachtúil teanga orthu incháilithe le bheith páirteach.
Tá aitheantas fáighte ag 334 gnó go dtí seo, agus tá gach ceann acu liostaithe in Eolaire Gnólachtaí GRADAIM. Tugann plaic GRADAIM le fios don phobal go bhfuil éacht déanta ag do ghnó ar son cur chun cinn na Gaeilge, idir chomharthaíocht, margaíocht & brandáil, nó seirbhís i nGaeilge.
Brúigh anseo chun tuilleadh eolais a fháil ar GRADAIM Gnó na hÉireann.
Comharthaíocht agus Feiceálacht
Cuireann Foras na Gaeilge réimse leathan acmhainní tacaíochta ar fáil le tacú le feiceálacht na Gaeilge i dtimpeallacht ghnó atá ar fáil ar líne.
Is féidir iad a ordú tríd an chóras féin-ordaithe ar-líne nó trí ghlaoch agus seoltar amach sa phost chugat iad.
Brúigh anseo le haghaidh liosta de na háiseanna a fheiceáil.
Féach fosta cnuasach de threoirleabhráin leictreonacha iníoslódáilte atá ábhartha d’úsáid na Gaeilge i gcomhthéacs gnó.
Eolaire Gnó Peig.ie
Is féidir le gnólachtaí a úsáideann an Ghaeilge mar chuid dá gnó clárú ar an Eolaire Gnó Peig.ie. Thig le custaiméaraí féideartha áiteanna a aimsiú a chuireann seirbhísí trí Ghaeilge ar fáil. Is féidir do ghnó a chlárú nó teacht ar shonraí ar ghnólachtaí eile a aimsiú ag www.peig.ie.
