Cruinnithe poiblí ar siúl i gContae na Mí agus i gContae Chorcaí

Tá sraith cruinnithe poiblí le tarlú le linn mhí Mheán Fómhair leis an bpobal a chur ar an eolas maidir le tús a chur le próisis pleanála teanga i mbailte airithe.

Aithnítear Baile Átha Buí agus an Uaimh i gContae na Mí agus Maigh Chromtha i gContae Chorcaí, mar bhailte a d’fheadfadh aitheantas a bhaint amach mar Bhailte Seirbhíse Gaeltachta faoi hAcht na Gaeltachta 2012. Ag na cruinnithe seo, roinnfear eolas ar na céimeanna atá le glacadh le plean teanga a ullmhú don bhaile, le faomhadh a fháil air agus leis an aitheantas seo a bhaint amach.

An Uaimh: Dé Céadaoin 7 Meán Fómhair, 7.00pm, Óstan Newgrange

Baile Átha Buí: Déardaoin 8 Meán Fómhair, 7.00pm, Darnley Lodge

Maigh Chromtha: Dé Céadaoin 28 Meán Fómhair, 7.00pm, Óstán an Chaisleáin

I ngach baile, ceapfar coiste stiúrtha agus ceanneagraíocht leis an bpróiseas pleanála teanga a stiúradh agus le cinntiú go bhfuil deis ag an bpobal ionchur a bheith acu sa phróiseas pleanála teanga.

Tá fáilte roimh gach duine chuig na cruinnithe seo le tuilleadh eolais a fháil ar an phróiseas seo agus le ceisteanna a chur le cad atá i gceist do na bailte seo. Más maith leat tuilleadh eolais ar na cruinnithe seo is feidir ríomhphost a chur chuig unishabhaois@forasnagaeilge.ie nó glaoch a chur ar 087 406 6898.