Is próiseas é an phleanáil teanga ina thagann pobal le chéile le sraith bearta a aontú maidir le húsáid na Gaeilge a ardú sa cheantar sin.
An Próiseas Pleanála Teanga
Chuir Acht na Gaeltachta 2012 bunús reachtúil leis an phróiseas pleanála teanga agus leag an reachtaíocht amach an struchtúr atá ar an obair seo sa lá atá inniu ann. De réir forálacha Acht na Gaeltachta déantar pleananna teanga a ullmhú ag leibhéal an phobail i gceantair atá aitheanta mar Limistéir Pleanála Teanga Ghaeltachta, Bhailte Seirbhíse Gaeltachta nó Líonraí Gaeilge féideartha.